Dünən axşam saatlarından Bakı şəhərində əsən güclü külək nəticəsində paytaxt ərazisində 41 ağac sınıb, 64 ağacın isə budaqları zədələnib. Məlumat Bakı Şəhər İcra Hakimiyyəti Yaşıllaşdırma Təsərrüfatı Birliyi tərəfindən verilib. Məlumata görə gecə saatlarından hal hazıra kimi Yaşıllaşdırma Təsərrüfatı Birliyinin əməkdaşları sınan ağacların götürülməsi və zədələnmiş budaqların budanması işləri ilə məşğuldurlar. Hal hazırda da davam edən işlərin bir neçə saat ərzində yekunlaşdırılması nəzərdə tutulur.